19 de abr. de 2017

Cita con textos d' O principiño en Marineda

Unha vez máis temos unha actividade externa que parece pensada para o noso Club de lectura en familia. Despois de lermos O principiño tivemos a posibilidade de ver o filme de animación Le Petit Prince de Mark Osborne no Forum Metropolitano.
Esta vez a actividade estará aínda máis próxima ao centro cá anterior; será en Marineda,  será de balde e ideal para toda a familia.




5 de abr. de 2017

Libros particulares


Imaxe
No encontro do Club de lectura en familia do 4 de abril tivemos unha sesión especial: compartir coas persoas participantes algún libro particular. Era unha proposta das nosas Saras  que por fin puidemos poñer en práctica. Serviunos para descubrir novos libros e transmitir experiencias lectoras e coñecernos mellor.
Para poder recordar mellor unha sesión tan variada decidimos rexistrar en audio as colaboracións.  Aquí quedan algúns exemplos das lectoras do grupo B, as máis dilixentes á hora de compartir os audios.


3 de abr. de 2017

Clubs de lectura na cidade

Acceso
 
Acceso
Temos moita variedade de clubs de lectura nas bibliotecas da cidade, á que hai que sumar as propostas  dalgunhas librarías e  os específicos nalgún idioma, como o da Alianza Francesa. Son oportunidades que debemos ter en conta de cara a próximos cursos - na maioría dos casos a inscrición hai que facela no outono- para buscar o que nos conveña.

Nos accesos de cada imaxe pódese ver máis información dos diferentes  clubs de lectura.
O que non hai é outro Club de lectura en familia, coma o noso. Tampouco sabemos de ningún que funcione no verán.



30 de mar. de 2017

O principiño. Cine de animación

Non podemos perder esta oportunidade: O principiño, animado e en versión orixinal. 




Como xa foi comunicado por correo  electrónico ás persoas integrantes do Club de lectura en familia, é unha ocasión única para recordar o pracer da lectura e compartir esta película coa xente miúda da casa.
PARA RECORDAR

No Forum Metropolitano Sala Fernando Rey. Versións cinematográficas de obras literarias.

30, 31 de marzo e 1 de abril
Xénero: animación
Francia, 2015 - 106 min - (V.O.S. en castelán)
APTA PARA TODOS OS PÚBLICOS (Especialmente recomendada para a infancia)
Formato: Blu- ray
Sesións do espectador: venres 23.00 h e sábados ás 17.30 h. PREZO ÚNICO: 1,50 €